Les aficiones del Sporting y l’Uviéu gárrense la mano pa homenaxar a la lleenda del fútbol asturianu Enrique Castro ‘Quini’, fináu de sópitu’l martes en Xixón a los 68 años d’edá. El de Llaranes foi una persona comprometida pa con Asturies y l’asturianu.

Sobre la novela 'El valor del rei'.

Los alcuentros col autor de los Talleres de Llectura n'Asturianu de Villaviciosa, qu'entama'l Serviciu de Normalización Llingüística 'Comarca de la Sidra', va tener como convidáu na so sesión próxima a Xulio Arbesú. L'escritor de L'Entregu va aldericar colos presentes sobre 'El valor del rei', obra que resultó merecedora del XXXVII Premiu Xosefa Xovellanos, correspondiente al añu 2016.

Melania Fraga, Juan Tizón y Pablo A. Quiroga formen la primer xunta direutiva de l’Academia del Cine Asturiano, que pretende “axuntar a tol sector de la creación audiovisual”. L'asturianu y la muyer son dos prioridaes pa esta entidá que busca dignificar el cine del país.

La concesión, que finaba nel 2021, amplióla'l Gobiernu d'Aznar hasta'l 2050 nel añu 2000.

Tienen como sede Uviéu y la cuenca'l Nalón.

La creación d'agrupaciones llocales foi una de les decisiones tomaes por Iniciativa pol Asturianu na Xunta Xeneral d'Asociaos celebrada nel 2017, cola fin d'ameyorar la so presencia nos conceyos. Xixón, Uviéu y la cuenca'l Nalón anunciáronse como les trés primeres que diben ponese a funcionar, tando yá en marcha les dos últimes.

Va celebrase'l 28 d'abril nel Centru Deportivu Juan Carlos Beiro y forma parte de la xira 'Consciente' de la cantante llangreana.

Marisa Valle Roso, que ta acabante de llevar el Premiu AMAS al Meyor Cantar Folk por 'Cómplices', yá tien a la venta les entraes pal so conciertu próximu n'Asturies. Tres presentar 'Consciente' en Madrid y Xixón, y actuar en San Vicente de la Barquera, l'artista tien previstes trés feches nos dos meses próximos: Barcelona (18 de marzu, Centre Artesà Tradicionárius), Verín (14 d'abril, Auditoriu) y La Felguera (28 d'abril).

La Comisión Europa confirmó que nun va establecer nengún calendariu estructuráu de carauter xeneral pa la transición enerxética, polo qu’Asturies podrá afitar el propiu de so. El conseyeru Isaac Pola participa en Bruxeles nel alcuentru de la Plataforma de les Rexones Mineres en Transición.

El martes, el básicu, y el miércoles, el 'Escrifala' de conversación y redaición.

Entovía ta abierta la matrícula pa los dos talleres qu'entama'l Conceyu de Corvera al traviés de la Casa de la Llingua, dambos de baldre y con sede nel Centru Sociocultural de Les Vegues. Mañana va comenzar el Cursu Básicu de Llingua Asturiana, impartíu por Rafael Rodríguez Valdés, responsable del SNL, con 30 hores de llargor y clase tolos martes de 18 a 20 hores.

Entamáu pol coleutivu Ágora y l'Asociación Roblón de Coya, taba abiertu a obres n'asturianu, gallego-asturiano o castellanu.

El periodista y escritor xixonés Francisco 'Paco' Álvarez nun apara de ganar concursos lliterarios. L'últimu ye'l de rellatos góticos que s'entamaba na población piloñesa de Coya por mor de les xornaes culturales sobre misteriu que comiencen güei y van allargase tamién mañana.

Esti coleópteru orixinariu d'Asia causa importantes daños nestos árboles.

El Boletín Oficial del Principáu d'Asturies (BOPA) espublizó ayeri'l resolvimientu pol que se declara, en tol territoriu nacional, la presencia de la plaga del organismu nocivu Rhynchophorus ferrugineus (Olivier), conocíu como picudu coloráu de les palmeres. D'igual forma, afita, de forma coordinada ente les conseyeríes de Desarrollu Rural y Recursos Naturales y la d'Infraestructures, Ordenación del Territoriu y Mediu Ambiente, diverses midíes fitosanitaries pal so desaniciu y control.