El Navia-Eo anda “al son das lletras” el Día del Llibru

Nel Día del Llibru, en distintos puntos de los Conceyos de la Mancomunidá Ozcos-Eo y de la comarca del Parque Históricu del Navia van repartise de baldre llibros n’eonaviegu.

El martes 20 d’abril, va facese pública una llista de los llugares nos que van poder atopase estos materiales y, asina, a partir de les doce de la mañana y les cinco de la tarde del día 23 d’abril, la xente del Occidente podrá averase y recoyer gratis un llibru n’eonaviegu. La idea d’esta iniciativa ye facer llegar a tola xente interesada, una amuesa de la producción lliteraria n’eonaviegu, cola sida de la celebración del Día de Llibru.
 
Nes páxines web de la Mancomunidá Ozcos-Eo (www.oscos-eo.net) y na del Parque Históricu del Navia (www.parquehistorico.org), pue atopase tola información sobre les obres que se van distribuir y los llugares onde se van dexar.
 
Dende la organización indiquen que “queremos que, tal cual os llibros van chegar ás túas maus de xeito llibre y totalmente gratis, axudes á nosa iniciativa y asina, fagas qu’estas obras circulen por novas maus, úa vez que las teñas llido”.
 
Piden a la xente que cuando dexen el llibru una vez lleíu, “pra poñello outra vez en circulación y que más xente poda acceder a él, mándanos un correo electrónico ás nosas direccióis: culturalylinguistica@oscos-eo.net y cultural@parquehistorico.org”.