Día del Llibru Asturianu

Aguirre muestra'l so apoyu "absolutu" a Cascos

|

La presidenta de Madrid mostró'l so apoyu a Álvarez Cascos y destacó que "un grupín pequeñu" de xente, "fabricó pruebes" contra él pa relacionalu col casu Gürtel.

"Una camarilla ye un grupín pequeñu y al señor Álvarez Cascos fabricáron-y pruebes como consta nel sumariu (del casu Gürtel)", manifestó Aguirre en rueda prensa posterior al Comité de Direición del PP de Madrid, onde esplicó que too empezó cuando "se filtró" la noticia de que la Fiscalía investigaba al ex ministru pa que la rede Gürtel "pagára-y un viaxe a Lanzarote".
  
Según la presidenta madrilana, Cascos "demuestra con factures qu'él pagó'l so viaxe" y uvíales a la Fiscalía. "Non contentos con eso, la camarilla policial encabezada pol mesmu policía que taba na cacería con (el xuez Baltasar) Garzón y con (l'ex ministru de Justicia Mariano Fernández) Bermejo, en llugar de preguntar a Cascos o aceptar les factures que debía, va al hotel de Lanzarote, onde-y contesten que-y pagaron estos señores", indicó.
  
"Tres meses depués de tener les pruebes de que too eso pagólo Álvarez Cascos, siguen filtrando que lu tán investigando porque la rede pagó-y un viaxe", recordó. Tamién calcó en que l'ex responsable de Fomentu col PP denunció dos veces énte la Fiscalía estes filtraciones, dalgo que s'archivó.
  
La presidenta de los populares madrilanos precisó que tres el segundu archivu, Cascos dirixióse al xuez y ofreció tolos documentos, que consten nel sumariu. "Mientres esti sumariu foi secretu nun faló d'ello -a diferencia de lo que faen otros medios de comunicación-", apuntó.
  
Amás, calcó qu'en cuanto se desclasificó'l sumariu púdose demostrar "la pretendida incriminación con falsedades al señor Álvarez Cascos". "Poro, camarilla, nun son Cuerpos y Fuerces de Seguridá del Estáu, camarilla ye un grupín", concluyó.
 

Contador Estadistiques