“L'asturianía nun tuvo reñida cola españolidá y cola llingua”

|

Areces dixo en Panamá que l'asturianía nunca tuvo reñida cola españolidá “y esta llingua que nos xune”. Amás, dixo que la movilidá nel mundu fai que l’asturianía nun tenga’l mesmu sentíu “que cuando se salía a buscar una oportunidá de vida”.

El presidente del Principáu, Vicente Álvarez Areces, tuvo un alcuentru cola comunidá d’emigrantes na inauguración del primer Centru Asturianu de Panamá, englobáu dientro del viaxe institucional y comercial ta realizando'l Gobiernu asturianu, con representantes de la Xunta Xeneral, empresarios y axentes sociales pel Caribe y Centroamérica.
 
Areces dixo que’l viaxe tenía unos enfotos empresariales, pero tamién d’afitar l’asturiania. “Vamos tamién onde hai asturianos y asturianes que nel mundu son munchos, somos una de les comunidaes autónomes que más emigración apurrió nel sieglu XIX y nel XX y nel XXI, pero con unes carauterístiques distintes; la movilidá qu'hai nel mundu fai que l'asturianía nun tenga'l sentíu que tenía como cuando se salía a buscar una oportunidá de vida”, dixo Areces nel Centru Asturianu de Panamá.
 
El presidente d’Asturies dixo qu’anguaño los fluxos migratorios van nes dos direiciones y el mundu global precisa d'interrelaciones de les empreses, “y esta ye la política que realicé nos 11 años que llevo de Presidente y que nos dio magníficos resultaos”.
 
Areces tamién manifestó la so opinión sobre caltener el votu emigrante, “non hai que valoralo en términos de votu y d'oportunidá, sinón en términos de raigaños bien fondos al respeutive de lo que significó la emigración española y la d'Asturies, y lo que significó a lo llargo de tantos años y sieglos, el derechu al votu ye la reconocencia de ciudadanía y de vinculación cola nuesa tierra”.

Comentarios

 Sapateo un poquiñín y dixo: "olé"?

Fíu de Guardia Civil andaluz destináu n'Asturies pol Franquismu. Vivió nel cuartelón mentanto tuvo nel PCE (datos que, ¡qué raro!, nun apaecen en nenguna biografía oficial). Toos sabemos embaxo que visión d'Asturies operaba la Guardia Civil daquella, qué ficieron nes mines y qué ye lo que mamó.
Fíu de cabra, cabra o cabritu, dicíen los nuestros mayores.
Abonda de la primer lliteratura imprentada n'asturianu apaez precisamente na emigración aculló l'atlánticu, en revistes y cartafueyos d'emigrantes que suañaben con volver a sentir les pallabres del país. Otru datu que, ¡qué raro!, nun apaecerá en nenguna historia oficial ni s'estudiará al traviés de trabayos en comuña colos Centros Asturianos d'alló.

Contador Estadistiques