Delegación diz que nun tien competencies sobre güeses comunes

Delegación del Gobiernu considera que la competencia sobre l’estierru de güeses comunes ye de conceyos y Principáu, tres la denuncia de la ‘Federación Asturiana Memoria y República’.

El Fiscal Xefe d’Asturies, Gerardo Herrero, abrió diligencies d’investigación ente la denuncia de l’asociación por una güesa común en Llaranes (Avilés). L'oxetu de la denuncia tien como oxetu evitar la so destrucción poles obres d'accesu al PEPA y abrir la oportuna investigación pa esclariar les circunstancies de talos fechos y depurar les responsabilidaes oportunes “de los qu'ordenaron y executaron dichos crimes, que son auténticos delitos contra la humanidá, non prescriptibles y tampoco amnistiables”
 
Per otru llau, la Delegación de Gobiernu, qu'encabeza Antonio Trevin, nun se considera competente pa intervenir nel casu, sinón que cree que la competencia ye del Conceyu d'Avilés y del Gobiernu autonómicu asturianu, que tendría de paralizar la obra y tomar les midíes p'alcontrar los restos de les víctimes, y dar el so treslláu a l'autoridá xudicial competente.
 
FAMYR sigue xestionando alcuentros col Viceconseyeru de Bienestar Social, Ángel González, y cola Procuradora Xeneral d'Asturies, María Antonia Fernández Felgueroso, “p’algamar una actuación eficaz y coordinada de toles alministraciones publiques y llograr que s'esclarien los fechos denunciaos y n'Asturies fáigase efeutivu'l principiu de verdá, xusticia y arreglu pa les victimes del franquismu”.