La sidra de Mazana Selecionao va sacar a la venta los primeros toneles

|

La sidra de Mazana Seleccionao va poner a la venta les primeres botelles de la collecha 2009, 12 toneles calificaos ayeri na Mesa de Cata celebrada en Casa Justo de Xixón.

La sidra ta ellaborada por Trabanco, Foncueva, Muñiz, El Gobernador, La Nozala y Peñón y avalada por un certificáu de garantía de calidá  Estos 12 toneles superaron el Notable, la nota de corte esixida pa llograr la contra-etiqueta de garantía de calidá de la Sidra de Mazana Seleccionao. En total, presentárense 22 toneles a esta primer calificación na que, davezu, bien poques sidres superen l'exame del Comité de Cata.

"Polo xeneral, la sidra que se presenta a la primer Mesa de Cata ta tovía tienra y tien de siguir evolucionando p'algamar el so puntu óptimu de maduración. Sicasí, nesta ocasión, sosprendiómos el bon nivel demostráu por ciertos toneles. Ello ye que'l porcentaxe de calificaos foi superior al d'anteriores colleches", esplicó Maximino Villarrica, presidente del Comité de Cata de la sidra de Mazana Seleccionao.
 
La primer Mesa de Cata d'esti añu tien carácter estraordinariu, puesto que ye la primer vez que la sidra de Mazana Seleccionao adelanta la so salida al mercáu al mes d'abril, según Villarrica.
  
"Con ello, queremos recuperar la tradición de probar la primer sidra del añu a primeros de primavera. La primer vez, vamos sacar al mercáu la sidra que reposa tovía sobre la madre de la fermentación, una sidra que nun se trasegó nin entemeció con otros toneles. Esto fai que presente unes característiques estremaes: ye una sidra más vivo, muncho más mozo y presenta un tastu acentuadamente afrutáu", esplicó José Manuel Riestra, xerente de Sidra Muñiz.
 

Contador Estadistiques