El PP diz que correspuende a Madrid pidir a Cascos ser candidatu

Ovidio Sánchez dixo qu'al PP asturianu nun-y correspuende pidir a Cascos que seya candidatu. Trátase d'algo, esplicó, que correspuende a la direición estatal, cuando abra'l procesu.

Según esplicó Sánchez, a entrugues de los periodistes nuna rueda de prensa n'Uviéu, el PP d'Asturies va proponer nel so momentu al candidatu, pero siempre cuando lo diga'l partíu a nivel estatal.
  
Sánchez dixo que ye'l partíu'l que "pide" los candidatos y que naide va nuna candidatura diciendo "yo quiero dir". Lo normal, comentar Sánchez, ye que seya'l partíu'l que busca a los candidatos.
  
Calcó en que'l PP respeta siempre los plazos, anque señaló que ye "evidente" qu'esisten nesti momentu n'Asturies "sensibilidaes" que ven con bonos güeyos que Cascos encabezare la llista de los 'populares' n'Asturies. "Pero la decisión va ser cuando lo diga'l partíu a nivel nacional, y nun va haber munches sorpreses, yá va ver", adelantó.
  
Preguntáu sobre si Cascos pretende buscar la condición d'aforáu, Sánchez nególo rotundamente. "El nuestru partíu nun precisa eso pa nada, nun ta vinculáu a nenguna trama, demostróse que ye falso", sorrayó.