El Gobiernu comparte implantar en Mieres Obres Públiques

Ana Rosa Migoya afirmó que'l Principáu comparte'l plantegamientu de la Universidá d'Uviéu d'implantar nel campus de Barreo en Mieres, el grau d'Obres Públiques.

Añadió qu'agora "va haber que ver l'encaxe tanto académicu como económicu" d'esos planes. Migoya manifestábase asina ante les entrugues de los periodistes mientres la rueda prensa del conseyu de Gobiernu, depués de qu'ayeri'l rector de la Universidá d'Uviéu, Vicente Gotor fixere esi anunciu tres reunise colos voceros de los grupos políticos nel Conceyu de Mieres.
  
Preguntada poles posibilidaes económiques Migoya calcó en que se trata d'un asuntu que van tener que ver de manera conxunta'l Gobiernu del Principáu y la institución académica. "De primeres lo qu'hai ye un plantegamientu de la Universidá que'l Gobiernu comparte", indicó.