Llingües de signos y llingüística xeneral

La Facultá de Filoloxía entama’l xueves, 8 d'abril a les13:00 hores, na Sala de Conceyos una conferencia a cargu d’Ángel Herrero Blanco intitulada ‘Llingües de signos y llingüística xeneral’.
 
Ángel Herrero Blanco ye profesor del Departamentu de Filoloxía Española y Llingüística Xeneral (Universidá d'Alicante) y Direutor de la Biblioteca Virtual Miguel de Cervantes. Ye unu de los mayores espertos en llinguaxe de signos, llingües de signos y signolingüística. Autor d'obres destacaes nesti campu: ‘Signolingüística: introducción a la llingüística de la LSE’, 2001; ‘Escritura alfabética de la Llingua de Signos Española’, 2003; ‘Escuela Española de Sordomudos: la gramática de la llingua de signosnel so contestu interlingüísticu y pedagóxicu’ (Lorenzo Hervás y Panduro), 2008; ‘Gramática didáutica de la Llingua de Signos’ (LSE), 2009.