Gomeru espubliza ‘Llume’

|

Gomeru ta acabantes d’asoleyar ‘Llume’, un trabayu con nueve cantares “que recuerden a los primeros Dixebra o a los vascos Hertxainak”, indiquen dende Glayíu, editora del discu.

El nuevu trabayu de Gomeru, depués de les maquetes ‘Griesca na Cai’ y ‘Bales de Rabia’, incluye nueve cantares nos que la banda carbayona dexa bien nidia la so postura frente a otros tantos temes; la llucha Palestina, la situación del Saḥara, la violencia machista, o la reivindicación llingüística son dellos d´esos temes.
 
“Gomeru amuesa en Llume un soníu más maduru y ellaboráu, con guitarres más nítides y vientos bien arranchaos, y con collaboraciones de luxu nes voces, como son les de Xune de Dixebra o Pirri d´Escuela de Odio”, señalen. El preciu del discu son cinco euros “por casi una hora de música de les que van direutes a la materia gris”.

Contador Estadistiques