Ḷḷena recicla n'asturianu

Ḷḷena presentó ayeri nel Salón de Plenos de la Casa Conceyu, la última campaña del Serviciu de Normalización Llingüística, orientada tanto al pequeñu comerciu como al medioambiente.

Sacáronse 1200 bolses a repartir ente los comercios d’alimentación de Ḷḷena. La intención ye que tanto los comerciantes, que yá fixeron dalguna iniciativa d’esti tipu, y los propios clientes reflexonen y adquieran hábitos respetuosos col medioambiente.
 
La campaña, entitulada '¿Tu qué faes pa cuidar el mundu? Reduz, Reutiliza, Recicla', acompáñase d’un folletu informativu onde se dan dellos datos sobre la utilización de bolses de plástico y los beneficios del usu de bolses reutilizables. El presupuestu de la campaña foi de 3000€ con una subvención de la Conseyería de Cultura de 1300€.
 
Ye la tercer campaña na que se reparten bolses a los comerciantes, y la primer vez que se fai con bolses reutilizables, nesta ocasión contóse col apoyu de la Conceyalía de Medioambiente.
 
La iniciativa ta empobinada a comuña con otros centros de la Rede de Normalización nos Conceyos, nesti casu Siero, Mieres, Samartín, Carreño, Gozón, Corvera y Avilés, que presentó la selmana pasada la campaña.