Lleón va formar encuestadores pa recoyer la so tradición oral

Lleón va acoyer el primer cursu de Recoyida de la Tradición Oral, cola sida de formar encuestadores y da-yos conocimientos y ferramientes pa recuperar la tradición oral.

El cursu entámalo l'asociación cultural El Teixu, asociación zamorana que puxa pol estudiu y conocimientu del dominiu llingüísticu ástur. Tamién collabora’l Conceyu de Lleón, onde se presentó’l cursu de la mano de la conceyala de Cultura y Patrimoniu, Evelia Fernández y el filólogu asturianu Fernando Álvarez-Balbuena, que dieron a conocer esti cursu.
 
Les actividaes tendrán llugar en fines de selmana ente'l sábadu 10 d'abril y el domingu 23 de mayu, con una duración de 40 hores, 20 teóriques y 20 práutiques. Cualesquier persona interesada pue apuntase nel teléfonu 987 878338.