El 55% de los llectores ve a Valledor nel asturianismu políticu

Más de la metá de los llectores d’Asturies.com ven el futuru de García Valledor dientro d’una candidatura asturianista, depués de qu’anunciara que taba reflexonando dexar IU.

L'ex conseyeru de Xusticia y ex diputáu d'IU-BA-Verdes anunció va díes que taba "nun periodu de reflexón" sobre'l so posible abandonu de militancia n'IU ente lo que considera un "enorme engañu". Pa Valledor, l’entamu de los tramites pa la construcción de la incineradora ye "la gota que colma'l vasu", yá qu’IU "vendiere" como ún de los grandes llogros del alcuerdu de Gobiernu la paralización del proyeutu.
 
Depués de les sos pallabres, el 55% de los llectores ven el so futuru dientro del asturianismu políticu,mientres que’l 27% camienta que formará una nueva agrupación. Un 11% piensa que va dexar IU, pero tamién la política, mientres que namás un 7% afirma qu’a la fin seguirá n’IU.
 
Asturies.com entama güei un nuevu Conceyu Abiertu.