El Bloque va decidir si siguir formando parte del Gobiernu
|
29 Marzu, 2010 por E.P. / Redacción
- Inicie sesión o rexístrese pa espublizar comentarios
Rafa Palacios anunció que na so formación hai un "procesu abiertu" pa decidir si siguir formando parte del Gobiernu, y nel que la decisión final va tomase ente abril y mayu.
El direutor de l'Axencia Asturiana de Cooperación al Desarrollu del Principáu d'Asturies y miembru de la dirección de Bloque por Asturies (BA), Rafael Palacios, dixo güei que la so formación política ta dispuesta a participar nuna batalla "en tolos frentes" pa evitar la construcción d'una planta incineradora n'Asturies.
Según señaló Palacios, en declaraciones a Europa Press, el proyeutu namás ye frutu d'un "pautu económicu" ente PSOE y PP, y esa planta "va en contra de la salú de tol mundu".
BA forma parte de la coalición IU-BA-Verdes, que gobierna n'Asturies xunto al PSOE. Hasta'l momentu nun hubo nengún tipu de conceyu ente BA, IU y Verdes pa tratar esti asuntu. "Ye una xunta que ta pendiente tovía, y deslexitimamos a cualquier que faiga declaraciones sobre esti asuntu en nome nuesu", sorrayó Palacios.
Ello ye que en BA esiste un procesu "abiertu" referente a la decisión que se va tomar sobre si va siguir o non nel Gobiernu. Según Palacios, ye algo que se va decidir en base al debate, ente abril y mayu, ente militancia, organizaciones polítiques y sociales, y movimientu ecoloxista. La decisión final va tomase "de forma democrática". Pa Palacios, lo importante ye determinar dende ónde pue actuar BA con mayor "contundencia" pa garantizar que la incineradora nun se construya.
"Dende'l momentu nel que'l PSOE decidió unillateralmente, col apoyu del PP, poner en marcha'l procesu, abrióse una batalla, política, social y llegal, que va tener consecuencies inevitables a cortu, mediu y llargu plazu nel escenariu políticu asturianu", señaló.
Efrén d'Andrés
Lo + visto de la selmana
Comentarios
Que vergoña ayena dan.
Dígotelo yo. Lo que pasa que tán agarraos como un clavu ardiendo.
El psoe yá movió ficha pa les elleiciones del añu que vien, y ellos paralizaos.
O los del psoe saben muncho de política o tolos demás políticos astures son unos chepos.
Meyor s'enfotaben en falar con UNA y entamar un partíu con más pesu.
Toi d'alcuedu con vosotros, yera lo meyor que podía pasanos, una coalición UNA+Bloque+Valledor y toles persones que quixeren axuntase. Asina, sí podíemos llevantar cabeza porque, a lo menos, sería una cosa más o menos seria. Cuento que somos munchos los que naguamos porque pase daqué asina.
Si colan, que colen fendo muito ruiu! dende que lu decidan, ta que colen, que pongan a la gocha patas p'arriba, sera bono pa ellos pq inda tanto nel gobiernu los medios faeranse mas eco! y l'añu que vien el Samartin pa Mayu! o que nun colen, que espardan tola merda que hai dientru la Xunta ta que los echen! y que faigan fuercia xunto a UNA y Valledor, de xuru que s'algama un diputau mininmu!