Colunga convida al PP a apoyar el Plan del Prerrománicu

|

El diputáu d'IU-BA-Verdes na Xunta Xeneral convidó al PP a apoyar a la so coalición na defensa del Plan del Prerrománicu, qu'inclúi la supresión de la llosa de Santuyano.

"Esti plan ellaboráu por Nanclares y Capitel opónse a la construcción de la Llosa de Santuyano, a los pies de la ilesia de Santuyano de los Praos, llosa que promueve l'alcalde d'Uviéu, Gabino de Lorenzo, tamién del PP".  
  
De la mesma, señaló Colunga nuna nota de prensa, el Plan del Prerrománicu inclúi un entornu de protección de la fonte Prerrománica de Foncalada, "entornu que se saltó a la torera'l Conceyu d'Uviéu autorizando una discoteca a escasos metros, y con intención d'otorgar más llicencies".
  
Nesti sen, el diputáu d'IU-BA-Verdes destacó tamién la construcción d'una vivienda, cola llicencia del Conceyu, nel entornu de Santa María del Naranco.
 
Unificación de Turismu y Patrimoniu Cultural
 
El Gobiernu del Principáu va unificar dos de les direiciones xenerales adscrites a la Conseyería de Cultura y Turismu, la de Turismu y Patrimoniu Cultural. Failo pol cese, por pidimientu propiu por motivos personales, de l'hasta agora titular de la primer de les direiciones, Elisa Llaneza.
  
La conseyera d'Alministraciones Públiques y vocera del Gobiernu, Ana Rosa Migoya, esplicó na rueda de prensa posterior al conseyu de Gobiernu, que va ser l'actual responsable de Patrimoniu Cultural, José Luis Vega, el que se ponga al frente la nueva direición xeneral unificada.

Comentarios

¿Cuando aprenderemos a llamalu Arte Asturianu (con mayúscules)? que nun ye nin munchu menos un inventu?

Gabis

Home, nun pais ú los Astures enta son "indixenes" que quies nin...

Vamos ver, "pre-románicu" como arte anterior al románicu, hailu en tolos llaos. Agora, hai artes prerrománicos que tienen calificación propia poles sos connotaciones. Yo nun veo en Francia llamalu prerrománicu al Arte Carolinxu nin al Meorvinxu, nin tampoco en Bizanciu llamalu prerrománicu al bizantín, nin al mozárabe, nin al visigodu, nin al Arte Lomardu, ente otros munchos. Toos son "prerrománicos", pero toos únicos y diferentes dientro de les munches coses en común que teníen. El términu "Arte Asturianu" nun ye un inventu de nenguna "tentación asturianista" sinon que yá esistía sieglos primero qu'unos pocos seudohistoriadores s'enfotaren en facelu desapaecer, ¿por qué?

Gabis

Contador Estadistiques