DRD actúa en Xixón

El grupu de folk asturianu DRD va actuar esti xueves 25 nel Café Trisquel de Xixón. L'actuación forma parte d'un ronda de conciertos que'l grupu ta faciendo per distintos locales.

DRD yá tien dos discos nel mercáu, 'Namái' y 'DRD', y ta reconocíu como una de les meyores bandes folk del país. Con un formatu acústicu, nel que s'entemez los temes instrumentales colos cantaos, DRD algama una gran calidá pola escoyeta del repertoriu, asina como pola gran capacidá técnica de los sos componentes.
 
La xiblata ta nes manos de Borja Baragaño, tamién gaita y xiblata en Llangres, Dolfu R. Fernandez ye'l responsable del vigulín y de la voz y Rubén Bada ye l'encargáu de la guitarra y bouzouki. El tríu incorporó nel últimu añu a Antón Barquero, percusionista que da la base rítmica. El conciertu en Xixón va ser nel Café El Trisquel, na cai Marqué de San Esteban, a les 22:00 y cola entrada llibre.