Valledor medita dexar IU tres el "enorme engañu" del pautu

L'ex conseyeru de Xusticia y ex diputáu d'IU-BA-Verdes decidió abrir "un periodu de reflexón" sobre'l so posible abandonu de militancia n'IU ente lo que considera un "enorme engañu".

Valledor, en declaraciones a Europa Press, reaccionaba asina en conociendo qu'ayeri los dirixentes del Consorciu pa la Xestión de Residuos Sólidos d'Asturies (Coxersa) treslladaron a los grupos políticos, incluyida IU-BA-Verdes que se diba a convocar los órganos de Gobiernu necesarios p'aprobar la construcción d'una incineradora.
  
Pa Valledor, esti asuntu ye "la gota que colma'l vasu", puesto qu'amás IU "vendiere" como unu de los grandes llogros del alcuerdu de Gobiernu la paralización del proyeutu de construcción d'una incineradora nel Principáu, polo menos mientres esta llexislatura.
  
Pero según Valledor, el pautu de Gobiernu ta siendo "sistemáticamente incumplíu" n'otros aspectos, en toles conseyeríes gobernaes pol PSOE y namás se cumple "en parte" nes dos conseyeríes que correspuenden a IU-BA-Verdes.