Tertulia sobre la incineradora

UNA-Xixón organiza una Tertulia Pachín de Melás sobre la construcción de la incineradora de residuos, “ún de los temes de los que más se ta falando na escena política y social”.
 
La Tertulia, que tendrá llugar el próximu martes 23 de marzu na Cervecería Astura a les 20:30 hores., cuntará cola presencia de Fructuoso Pontigo, voceru del Conceyu contra la Incineración y miembru de la Coordinadora Ecoloxista d’Asturies; José Antonio Ballesteros, abogáu y miembro de la Mesa Federal de Los Verdes d’Asturies; y Yolanda González, abogada y vocera d’UNA nel conceyu de Xixón. Asina mesmo exercerá de presentador y moderador de la Tertulia ’l miembru de la Estaya de Mediuambiente d’Unidá Nacionalista Asturiana, Tino Fernández.
 
Según indiquen dende Unidá Nacionalista Asturiana, la organización tien aprobao, dientro de les estratexes d’acción consensuaes nel II Congresu que celebraren la pasada selmana, una resolución na que desarrollen un alternativa a la incineración fundamentada nel aprovechamientu enerxéticu de los residuos por cuenta de la construcción de plantes de xeneración de biodiesel, “esperiencia que yá tien precedentes en dellos llugares del Estáu”.