Evacuáu l'Edificiu Alministrativu del Principáu por avisu de bomba

La Policía Nacional desagospió l'Edificiu Alministrativu de Servicios Múltiples d'Uviéu énte la llamada d'un anónimu alertando de la colocación d'una bomba nel inmueble.

Según informaron fontes de la Conseyería de Presidencia, Xusticia y Igualdá, la llamada recibióse pasaes les 12.00 hores y los axentes yá procedieron a desagospiar les dependencies, nes que s'alcuentren delles conseyeríes y departamentos del Gobiernu del Principáu.