Bloque y UNA acusen al Principáu de mentir con Sama-Velilla

El Bloque negó que la llinia eléctrica Sama-Velilla seya una garantía del suministru. Mientres qu'UNA acusó al Gobiernu de mentir y de nun defender los intereses d'Asturies.

El presidente del Principáu, Vicente Álvarez Areces, y el conseyeru d'Industria, Graciano Torre, dixeron que la llinia eléctrica Sama-Velilla diba ser una garantía del suministru eléctricu énte posibles problemes, como los que pasaron en Cataluña col temporal, onde unes 100.000 persones tuvieron dellos díes ensin lluz. Pallabres que nun tardaron en negar dende les formaciones nacionalistes.
 
El Bloque por Asturies recordó que la infraestructura "ta vinculada a la esportación enerxética y el correspondiente negociu empresarial". "Creemos que lo que garantiza'l suministru eléctricu n'Asturies ye una xestión responsable y solvente del sector y dende un conceptu de serviciu públicu, que nun se da por culpa del PP y del PSOE, que lu lliberalizaron", afirmó'l voceru del Bloque en declaraciones a Europa Press.  
  
"Agora tamos pagando toos esi error. Lliberalizalu supón que les empreses superponen los sos intereses privaos penriba de los intereses de los ciuddanos, y eso ye lo que vimos que pasó en Girona", añadió. Respondía asina a les declaraciones de los mandatarios autonómicios, qu'afalaro na entainar les xestiones pa la instalación de la llinia d'alta tensión, pa evitar que n'Asturies tengan llugar situaciones como les asocedíes en Cataluña dempués del últimu tribunal.
  
"Que naide intentente distorsionar la realidá porque lo qu'hai ye un afán por ganar perres, dende un conceptu de serviciu a cualuqier coste, a un coste social y medioambiental mui altu", afirmó. "Llamentamos les declaraciones de Torres y Areces, al defender la llinia Sama-Velilla nesti sen, porque da la sensación de que lo que dicen entra dientro del guión que-yos escriben les propies emprses eléctriques", añadió. Recordó de siguío que "esta llinia ta vinculada a la esportación de la enerxía y al negociu empresarial, y non al suministru eléctricu a los ciudadanos".
 
"Manipulación de los mieos y la desgracia"
 
El voceru d’Unidá Nacionalista Asturiana, Faustino Zapico, dixo que yera una "falacia y manipulación" les afirmaciones de Torre y Areces, “yá que Sama-Velilla ta destinada al desenvolvimientu de zones del Estáu más riques”.
 
Según Zapico, el Gobiernu asturianu manipula de forma inmoral los mieos de la xente y la desgracia ayena al traviés d'una falacia evidente, “tenten d'engañar a la ciudadanía asturiana pa facer por colar un proyeutu que va contra los intereses d'Asturies". El voceru d'UNA dixo qu'Asturies ye escedentaria en producción d'enerxía llétrico, "y Sama-Velilla nun ta destinada a satisfacer el mercáu interior, sinón a esportar enerxía”.
 
Dende UNA afirmen qu'lo qu'hai tres de Sama-Velilla nun ye'l bienestar de los asturianos y asturianes sinón una política planiada y diseñada nel Plan Enerxéticu Nacional, “que conderga Asturies a convertise nun monocultivu enerxéticu p'abastecer otres zones más desendolcaes del estáu, creando bayura fuera d'Asturies y dexando nel nuestru país los efeutos negativos".
 
Zapico plantegó pa cabu que facia falta yá una alternativa asturiana que plantegue un discursu medioambiental y económicu alternativu y que ruempa col bipartidismu que representa l'actual Gobiernu y el PP, “que comparten discursu y aición".