Méndez Ferrín: “L’asturianismu cúlpanos de lo que nun consigue”

|

Xosé Luis Méndez Ferrín camienta que nos periódicos d’Asturies Abertal nun apaez, “sal l’asturianismu, qu’en llugar de mirar polo de so, cúlpanos de lo que nun consigue”.

El presidente de la Real Academia Galega fixo les declaraciones nuna entrevista a la revista gallega ‘Tempos’, de la que la edición dixital ufre un adelantu, onde un de los temes a tocar ye’l “gallegu d’Asturies”.

Pal presidente de la RAG, la fala de Bergantiños y la del Morrazo son más estremaes que la de Fonsagrada y Taramunde. Amás, afirma qu’Abertal publica llibros en gallegu que frañen les fronteres y qu’hai gaiteros que nun quieren meter la gaita asturiana, “pero nun apaecen nos periódicos”.
 
Sicasí, Méndez Ferrín nun ve tan bien el ‘reintegracionismu’, l’usu del gallegu cola normativa portuguesa. Pal escritor, los miembros d’esta corriente son xente que ta a la contra de la llingua y que quieren la soberanía de Galicia, “pero non la del so idioma”.
 
Sobre l’academia que dirixe esclaria que ye necesaria, “l’inglés nun tien academia pero tuvo imperiu y tuvo a Shakespeare, dicía Nebrija que la llingua ye compañera del imperiu, y Galicia nun tien imperiu”.
 
Pal presidente de la RAG, que la institución tenga’l status de ‘Real’ ye dalgo que nun se pue quitar, “yá-yos prestaría a dalgunos que yo pidiese l’abolición del ‘real’, pero hasta que Galicia, o España, seya una república, nun se pue”.

Contador Estadistiques