L'Asociación Felpeyu, Tierra Discos, el Conceyu y de la Sociedá Uvieína de Festexos, entamen el I 'Uviéu Tierra Folk', una iniciativa que pretende "recuperar la tradición folk" de la ciudá.

Asina lo aseguró güei en rueda de prensa'l conceyal de Cultura nel Conceyu d'Uviéu, José Suárez Arias- Cachero. Acompañáronlu Xuan Nel Expósito y Lisardo Prieto, dambos miembros de 'Felpeyu'. La intención del ciclu, "más allá de facer de dinamizador de la escena folk n'Uviéu", pasa per "asitiar les bases pa, cuando la crisis lo permita, crear un gran festival", según esplicó Xuan Nel Expósito.

Los conciertos pertenecientes al ciclu van tener llugar nel Teatru Filarmónica, los díes 20 de marzu y 3, 10 y 24 d'abril. Toos ellos a les 20.30 hores. La primer actuación va correr al cargu de Verdasca, que va presentar el so primer trabayu discográficu 'D'abéu'. El día 3 d'abril, Vallarna va amosar el so trabayu 'Km. 90', siguíos de l'actuación de Los Ciquitrinos el día 10. Van Cerrar el ciclu'l día 24 d'abril Corquiéu, cola presentación del so tercer discu 'Suaña'.
 
Les localidaes para los conciertos de 'Uvieu Tierra Folk' van salir a la venta con un preciu de siete euros, y l'abonu pa tol ciclu va poder comprase por 20 euros. La organización estableció los puntos de venta nes taquilles del Teatru Campoamor, n'horariu de 12.00 a 13.30 hores, y de 16.00 a 20.00 hores. Tamién van poder mercase nel mesmu Teatru Filarmónica'l mesmu día del conciertu a partir de les 18.00 hores. Coles mesmes, establécense como alternatives de venta antemanada la llinia telefónica 902 106 601, los caxeros Caxastur, y la páxina web www.cajastur.es.