‘L’Azogue’, en Samartín del Rei Aurelio

El Teatru Municipal de Samartín del Rei Aurelio acueye dos nueves xornaes de l'amuesa de teatru local. Nesta ocasión el Grupu Parroquial de Teatru El Esfuerzu va poner n'escena la obra ‘L'Azogue’, el vienres 12 y sábadu 13 a partir de les 20:00 hores.
 
‘L'Azogue’ ye una comedia d'enriedu costumbrista que l'autor de Samartín del Rei Aurelio, Xosé Ramón Martín Ardines, escribió especialmente para'l grupu entreguín.Esta obra ye la segunda que Martín Ardines estrena nel Teatru Municipal, la primer foi L'Apocalipsis, el camín que nos marca, puesta n'escena pol grupu de teatru Refaxu por cuenta de les folixes de L'Entregu nos actos conmemorativos de la coronación del Rei Aurelio.
 
La obra, escrita n'asturianu , desenvuélvise nun día especial, ye la folixa del patrón nun pueblu asturianu. A los preparativos propios de la folixa xúntense los de la organización d'un mercáu tradicional na plaza . Nesi requexu van asocediéndose escenes del azogue que da nome a la mesma plaza onde se desenvuelvi l'enriedu, los conflictos y deldes que milagrosamente sáldense énte l'atenta güeyada ya irónicos comentarios de les vecín más chismosas del llugar que ven pasar énte elles a la comisión de folixes, los organizadores del mercáu tradicional, reporteros de TPA, responsables de SGAE y otros personaxes que converten l'escenariu nun verdaderu azogue.