Kosova nun va obligar a los serbios del norte a integrase

|

Kosova nun va obligar a los serbios que viven nel norte a integrase nesti estáu de mayoría albanesa, pero sí va intentar persuadilos pa que formen parte del país al traviés d'incentivos.

Antiguamente parte de Serbia, Kosova declaró la so independencia hai dos años, anque la so rexón de mayoría serbia sobre la estremada ciudá de Mitrovica permanez fuera del control del Gobiernu central. "Nun va haber violencia nin acciones unillaterales sinón namás diálogu y cooperación", aseguró’l primer ministru, Hashim Thaci.

"Too va coordinase cola comunidá internacional, cola OTAN y con otres instituciones económiques", prosiguió. "Tenemos una estratexa en cuatro puntos: Estáu de Drechu, la creación d'un nuevu conceyu, entamar elecciones llibres en trés conceyos y encarar les cuestiones socio-económiques", añadió. "Vamos realizar inversiones, y van tar felices por formar parte de Kosova", aseveró.

Munchos residentes serbios prometen que nunca se someterán al control de Kosova. Coles mesmes, numberosos serbios y albaneses nuevos nin siquier puen comunicase ente ellos, pueste nun falen les otres llingües.
  
Thaci afirmó igualmente que prevé asistir a una conferencia de líderes políticos rexonales n'Eslovenia a últimos d'esti mes y que taría feliz de da-y la mano al presidente serbiu, Boris Tadic, y falar con él. "Nun tengo nengún dilema y nun tengo problema n'estrechar la mano a nengún líder que escoyíu d'una manera democrática, incluyíu Tadic", aseguró'l cabezaleru kosovar. "Somos líderes, y tenemos que dexar atrás el pasáu y centranos nel futuru", añadió.
  
Serbia y Kosovo, según el restu de los países balcánicos, aspiren a ingresar na Unión Europea, pero la relación ente ambos escurez les perspectives d'ésitu.
  
D'otru llau, Thacic indicó qu'estima'l pidimientu que fizo ayeri'l representante especial de la UE pa Kosova, Pieter Feith, de destituyir a los miembros del Gobiernu de Kósovu que seyan corruptos si quier progresar hacia la integración de la UE. "Ye una enfermedá qu'heredamos", aseguró Thaci. "Nun va haber más acuerdos (...), onde haya corrupción, vamos combatila", recalcó.

Contador Estadistiques