UNA pide un cambiu nel “tratu llingüísticu” de l’Alministración

UNA considera que l'Autu del Constitucional ye un pasu nel reconocimientu de los drechos llingüísticos y nagua por que seya un cambiu nel tratamientu alministrativu del idioma.

La organización llamenta qu'esti reconocimientu tenga de venir, “curiosa y paradóxicamente”, dende fuera d'Asturies, señalando que ye un “nuevu síntoma del deficiente y noxante tratamientu que vien sufriendo la llingua asturiana per parte de los poderes públicos”.
 
Pa finar, Unidá Nacionalista Asturiana considera qu'esti autu ye una preba más de la necesidá d'una reconocencia oficial de la llingua asturiana nel Estatutu d'Autonomía, dándo-y asina l'únicu estatus xurídicu que merez.