La UE pide a Marruecos avances en Drechos Humanos nel Saḥara

La UE pidió esti domingu a Marruecos avances en materia de Drechos Humanos nel Saḥara Occidental y na situación de los defensores de les llibertaes fundamentales.

El pidimientu llegó por cuenta del primer conceyu celebráu el sábadu y el domingu ente los Ventisiete y Rabat, el primeru que la UE celebra con un país árabe.
  
Pero nun lo fixo na declaración conxunta soscrita al términu del alcuentru - edulcorada pola delegación marroquí particularmente nesti ámbitu, según fontes de la delegación europea-- sinón al traviés de la intervención del presidente permanente del Conseyu Européu, Herman van Rompuy, en rueda prensa conxunta col xefe del Executivu español y anfitrión, José Luis Rodríguez Zapatero, el xefe del Executivu comuñal, José Manuel Durao Barroso, y el primer ministru marroquín, Abbas el Fassi.
  
Van Rompuy treslladó "l'interés européu" de ver meyores nel respetu de les llibertaes fundamentales y los derechos humanos per parte de Marruecos y informó que nesti alcuentru ambes delegaciones trataron el contenciosu del Saḥara , que la UE sigue supuestamente de cerca y que, según la mesmes fontes, centró bona parte de los discutinios, xuntu cola situación xeneral de los Drechos Humanos nel reinu.
  
El presidente de la UE señaló que "los Ventisiete apoyen los esfuerzos de la ONU pa llograr una solución política xusta, duradera y aceptable pa toles partes", señaló que va siguir trabayando nos aspectos humanitarios del conflictu y espresó'l so deséu de que "se produza una meyora na situación de los Drechos Humanos nel Saḥara y na situación de los sos defensores".
  
Evitó sicasí pronunciase sobre'l mensaxe que'l rei Mohamed VI treslladó a la delegación europea al traviés d'El Fassi. "Nun discursu lleíu pol primer ministru mientres l'alcuentru qu'ambes partes caltuvieron pela mañana na cripta del Palaciu de Carlos V na Alhambra de Granada, el monarca calificó de "artificial el contenciosu del Saḥara", que la so permanencia Rabat atribúi a la falta de voluntá d'Arxelia en pone-y fin, y defendió una solución al conflictu que se basa na propuesta marroquina d'autonomía pal territoriu.
 
Diálogu con Rabat
  
Tampoco Zapatero quixo reaccionar al mensaxe del rei y llendóse a señalar que, como repitió mientres el conceyu, "la posición d'España, consolidada y permanente, apuesta por un alcuerdu sobre'l futuru del Saḥara y apoya'l llabor y la misión de Naciones Uníes". Pa Zapatero, "el camín del entendimientu ye'l camín de la solución y señaló qu'España tien nesta materia un diálogu francu, positivu y constructivu con Marruecos".
  
Fontes diplomátiques españoles precisaron a Europa Press que nesti conceyu nun se trató la posibilidá de que'l Conseyu de Seguridá de la ONU dote a la so misión nel  Saḥara (Minurso) de competencia pa vixilar los Drechos Humanos porque primero, nun yera'l foru apropiáu pa ello, y segundu, trátase d'un alderique "bien difícil".
  
El primer ministru marroquín caltuvo qu'en Marruecos, "cuando se producen violaciones de Drechos Humanos, el pesu de la llei cai sobre los responsables como asocede n'Occidente" y pidió que se fale tamién de les violaciones de los derechos del home que se producen, al so xuiciu, nos campamentos saharagüis en Tinduf (Arxelia), que controla'l Frente Polisariu.