El Sporting pierde énte'l Mallorca por 3-0

El Mallorca venció al Sporting por 3-0 nel Ono Estadi, trunfu que llegó tres una gran actuación de los baleares y énte un Sporting que nun paecía tar nada tranquilu nel xuegu.

Julio Álvarez na primera parte, Víctor Casadesús y Pierre Webó, na segunda, firmaron la victoria balear, tercera siguida na Lliga y undécima de la temporada nel so campu. Los xixoneses caltienen la ventaxa de 11 puntos sobre los puestos de descensu y recibirán el próximu fin de selmana a l’Athletic de Bilbao n’El Molinón.
 
Ficha téunica:
 
Mallorca: Aouate; Josemi, Ramis, Nunes, Corrales; Julio Álvarez (Martí, min. 74), Mario Suárez, Borja Valero (Fernando Varela, min. 87), Castro; Víctor Casadesús (Webó, min. 81) y Aduriz.
 
Sporting: Juan Pablo, Sastre, Botía, Gregory, José Ángel, Matabuena (Camacho, min. 80), Rivera, Luis Morán, Kike Mateo (Bilic, min. 67), De las Cuevas y Barral (Maldonado, min. 67).
 
Goles: 1-0, min. 12 Julio Álvarez; 2-0, min. 75 Víctor Casadesús; 3-0, min. 88 Webó.
 
Árbitru: Delgado Ferreiro (colexu vascu). Amonestó a Gregori y Botía, del Sporting, y a Ramis, del Mallorca.