El Frente Polisariu esixe a Bruxeles que detenga la pesca nes sos agües

|

El Frente Polisariu esixó a la Comisión Europea que detenga la pesca de la flota comuñal n'agües del Saḥara Occidental, y acusóla de de faenar con un alcuerdu illegal.

Según el Frente Polisariu, los barcos europeos pesuen na zona amparándose nun alcuerdu pesqueru que la Unión Europea caltién con Marruecos y que consideren illegal. L'autoridá saḥaraui amosó esta idea coincidiendo col conceyu UE-Marruecos qu'esti domingu se celebra en Granada.
  
Los servicios xurídicos del Parllamentu Européu almitieron la selmana pasada que nun queda claro si l'acuerdu pesqueru cumple les normes internacionales porque nun consideren acreditáu que la población llocal del Saḥara Occidental tea beneficiándose de les compensaciones económiques que Rabat recibe de la UE a cambiu de drechos de captura nes sos agües.
  
El ministru pa Europa del Frente Polisariu, Mohamed Sidati, unvió esti vienres una carta a la nueva comisaria de Pesca, Maria Damanaki, na qu'encamienta al Executivu comunitariu a "intervenir darréu pa evitar más actividaes pesqueres de los barcos de la UE nes agües axacentes al Saḥara Occidental".
  
"A la población saḥaraui enxamás nun la consultaron nin recibió nengún beneficiu pola esplotación de les sos agües riques en recursos pesqueros", según critica'l Frente Polisariu.
  
Na primer comparecencia pública de los servicios xurídicos de la Eurocámara sobre esti tema, un voceru de la Comisión Europea refugó estes acusaciones al considerar que tampoco había pruebes de que la población saharagüi nun recibiera parte de les ayudes comunitaries.
  
"Esta postura foi duramente criticáronla duramente una gran parte de los eurodiputaos qu'esixeron a la Comisión un informe detalláu sobre los beneficios del acuerdu pesqueru y amenazaron con bloquiar la renovación del conveniu".
  
Pela so parte, l'asesoría xurídica plantegó tres alternatives, ente elles la d'escluyir les agües saḥarauis, pero consideró esta opción xurídicamente posible, pero irreal dende'l puntu de vista económicu.
 

Comentarios

La próxima vez que me pidan "solidaridá" pensarémelo dos veces.

Gabis

Si equí'l que nun cuerre esnala nin!

Si reconocemos al Sahara Marruecos échanos de les sos agües y miles de pescadores al paru con tol drama familiar y social, y de rebote, otros miles de trabayadores d'empreses relacionaes. Si nun lu reconocemos el FP llámanos insolidarios y amenaza, too ello pocos meses depués de la solidaridá que se tuvo con una de les sos activistes. ¿Qué ye entós lo que se supón que tenemos que facer???

Gabis

Contador Estadistiques