Xunta de personal docente y concentración

La Xunta de Personal docente non Universitariu d'Asturies va celebrar nel salón d'Actos del IES Aramo, el so Plenu ordinariu nel que se abordarán “temes d'importancia qu'esmolecen fondamente na Enseñanza Pública Asturiana”.
 
Va aldericase sobre la situación de la Orientación Educativa, sobre la esixencia de conocer la situación de la Ufierta d'empléu Públicu, sobre les Plantiyes Docentes pal próximu cursu, sobre'l comité de Salú Llaboral, “que sigui ensin ser constituyíu n'Asturies”, sobro la situación de les direiciones de les Escueles d'O a 3 años, sobre la situación de la Escuela Superior d'Arte d'Avilés, sobre la supresión del complementu a los Catedráticos anteriores de la LOGSE, o sobre la creación del Departamentu d’Economía., “temes toos ellos de gran caláu pal profesoráu”.
 
Como’l Plenu axúntase'l día 8 de marzu, tamién se va falar d’una resolución sobre'l día de la Muyer Trabayadora.Y pa finar, la comisión permanente de la Xunta de Personal decidió convocar al términu del Plenu una concentración pa esixir la prórroga indefinida de la xubilación pa los docentes a los 60 años. Tendrá llugar a les 13.00 hores del llunes 8 de marzu énte la sede de la Conseyeía d’Educación, onde-y apurriran al Conseyeru la resolución aprobada.