AI contra la violencia de xéneru

Activistes de la unidá territorial d'Amnistía Internacional n'Asturies van tar mientres la tarde del próximu sábadu nel centru comercial Los Praos d'Uviéu pa convidar al públicu que lo visite esi día a que cavilgue sobre la necesidá de combatir la violencia de xéneru dientro de la Unión Europea. Col llema “Mirar y actuar. Por una Europa ensin violencia contra les muyeres”, l'acción pretendi poner de relieve la escasa conocencia y visibilidá, según la falta de midíes conxuntes y coordinaes, pa lluchar contra la violencia de xéneru nos países de la Unión Europea. Les persones participantes van poder ver un panel qu'incorpora una ruleta con forma de llente que representa la necesidá de mirar y reparar lo que s'escuendi detrás. La ruleta tien una cuña retayada qu’al xirar va amosando curtios testos con cifres y datos de violencia de xéneru en dellos países europeos.