Los conceyos van tener Llei de Gobiernu local en 2011

Manuel Chaves, dixo que los conceyos que salen de les eleiciones municipales que tendrán llugar en 2011, van tener una nueva financiación y tamién una Llei de Gobiernu Local.

El ministru de Política Territorial y vicepresidente terceru, fixo esta declaración énte los grupos parlamentarios na Comisión de Política Territorial del Congresu, onde comparez esti xueves.

"L'oxetivu del Gobiernu ye tener un marcu de referencia pa tolos conceyos que salen escoyíos nes elecciones de mayu del 2011: la llei de Gobiernos locales y la llei de faciendes locales", señaló Chaves. Confió amás en qu'esta voluntá "lo seya tamién de toles fuerces polítiques pa facilitar el consensu que lo faiga vidable".