La Lliga Árabe apoya la propuesta d'EE.UU n'Oriente Mediu

La Lliga Árabe va anunciar güei miércoles el so apoyu a la propuesta d'Estaos Uníos en favor d'unes negociaciones de paz indirectes ente palestinos ya israelinos.  

El presidente de l'Autoridá Palestina, Mahmud Abbas, qu'asiste al alcuentru, anunció que podría incorporase a cualquier decisión que tome la comisión ministerial de la Lliga Árabe, aconceyada esta selmana na capital exipcia.
  
"La mayor parte de les conversaciones d'ayeri fueron positives. La declaración va incluyir un acuerdu sobre la celebración de negociaciones indirectes ente israelinos y palestinos", declaró un destacáu dirixente que participa nel conceyu y que solicitó l'anonimatu.
  
Estaos Uníos intenta, dende hai años, que palestinos y israelinos se sienten a negociar. Abbas refugó los llamaos norteamericanos y israelís para la continuación de les conversaciones y punxo como condición para ello qu'Israel ponga fin a la construcción d'asentamientos xudíos nos territorios ocupaos palestinos.
  
El presidente palestín rompió'l diálogu con Israel tres la ofensiva llanzada pol Exércitu hebréu na Franxa de Gaza ente avientu del 2008 y xineru del 2009.