Cándido y Morala piden qu'esclarie si deben pagar la multa qu'esixe'l xuez

Los sindicalistes solicitarén al Conseyu de Ministros una esclaración sobre l'indulu parcial, que reduz nun añu la pena privativa de llibertá, pa saber si se-yos condonó la multa. 

Juan Manuel Martínez Morala y Cándido González Carnero 'Cándido', condenaos polos estrozos a una videcámara de vixilancia demientres una de les movilizaciones de Naval Xixón. Polos fechos forn condenaos a 2.160 euros, que sigue exixéndo-yos el xuez, y pola que'l xulgáu tenta d'embargar les sos cuentes.
 
Asina lo señaló a Europa Press el propiu Cándido, qu'indicó que recurren al Conseyu de Ministros una vez acabada la vía xudicial, tres desestimar l'Audiencia Provincial d'Asturies el so recursu contra l'abonu de la multa. L'Audiencia, nel so autu, considera qu'al nun mencionase la multa nel indultu dictáu pol Conseyu de Ministros, significa que nun tán exoneraos del so abonu.
  
Ente esta respuesta xudicial, Cándido adelantó que nun piensen pagar la multa. "Nun vamos pagar nin un céntimu", añadió'l sindicalista, que caltién la so inocencia igual que la del so compañeru.
  
Mientres tanto, el maxistráu del Penal 1 de Xixón, Lino Rubio Mayo, sigue estudiando la forma d'embargar los bienes d'ambos sindicalistes, una vez que se comprobó que les cuentes de les que pretendía cobrar la multa una taba cancelada y la otra nun pertencía a ún d'ellos, sinón que'l dineru correspondía a la madre d'ésti. Ya nel so día, tanto Cándido como Morala criticaron que yeren oxetu d'una "obsesión represión y persecución tanto del xuez como de les instituciones", y culparon especialmente a la Delegación del Gobiernu d'Asturies.