Cospedal diz que n'Asturies nun se faló de candidatos

La secretaria xeneral del Partíu Popular dixo que n'Asturies, como nel restu de comunidaes autónomes, entá nun se faló de candidatos pa les próximes eleiciones autonómiques.

Cospedal, tres la xunta del comité de dirección del PP, respondía asina preguntada pola posibilidá de que l'ex ministru y dirixente nacional del partíu, Francisco Álvarez Cascos, seya candidatu a la presidencia del Principáu.

"Con tolos respetos que me merez la figura del señor Álvarez Cascos, col PP d'Asturies nun ta asocediendo nada", dixo Cospedal y de siguío añadió que "con tola tranquilidá y tol respetu a tol mundu". "Como pasa n'otres comunidaes autónomes -argumentó-, tovía nun se faló de candidatos a les eleiciones autonómiques. Eso ye asina, nun ye que nun se faló d'una persona en concretu, ye que nun se faló de nenguna persona en concreto y polo tanto ye un tema que tampoco s'aldericó na dirección nacional".
  
Siguió afirmando que lo diz sin pone-y nengún tipu d'axetivu, simplemente nun s'aldericó nin se faló na direición nacional".
  
En cualquier casu, insistió en que'l "candidatu del Partido Popular d'Asturies va decidilu'l PP d'Asturies y acordándolu cola direición nacional, pero nun hai nada decidío sobre esi tema".