Les universidaes apoyen una televisión ensin fronteres

La Conferencia de Rectores de les Universidades Españolas xuntóse a la Iniciativa Llexislativa Popular pa una televisión ensin fronteres que ta en trámite nel Congresu.

A propuesta del Conseyu Xeneral de la Xarxa Vives -qu'axunta a les universidaes catalanes, valencianes y baleares-, l'asamblea xeneral de la CRUE sumóse por unanimidá a la iniciativa, que busca la reconocencia del catalán, el vascu y el gallegu nos sos espacios de comunicación.
  
Pa la rectora de la Universitat de les Islles Baleares, Monsterrat Casas, la ILP va dexar garantizar la recepción directa de les emisiones de radio y televisión autonómiques en llingües minoritaries n'otres comunidaes autónomes coles que comparten idioma.
  
Casas destacó que la ILP básase nel respetu y na proteición del pluralismu llingüísticu como patrimoniu cultural común y la llibre circulación de la información y del audiovisual. Esta ILP calca especialmente na emisión de TV3 na Comunitat Valenciana.