Día del Llibru Asturianu

Touriño plantega a Zapatero tener en cuenta'l coste añadíu de les comunidaes con llingua propia

|

El presidente de la Xunta, Emilio Pérez Touriño, plantegó güei al titular del Gobiernu español, José Luis Rodríguez Zapatero, que nel futuru sistema que se ta negociando "se tegan en cuenta'l coste añadíu", que representa "el fechu diferencial" de les comunidaes que, como la gallega, tienen una llingua propia.

Tres caltener el so cuartu conceyu con Zapatero en La Moncloa demientres más de dos hores, Touriño destacó la "receptividá" del presidente del Gobiernu a esti plantegamientu y mostró la so satisfaición pol compromisu tomáu de que factores diferenciales de coste pa prestar los servicios, como l'espardimientu y l'avieyamientu poblacional, "tengan un mayor pesu y emponderación", na revisión del modelu.

Amás, el presidente gallegu anunció que "va haber una solución" pa l'ampliación de l'Autopista del Atlánticu (AP-9) que va conocese en "xineru", insistió en que nel 2009 "van sacase a subasta pública los nueve tramos que resten nel AVE gallegu" y negó qu'exista "un conflictu políticu" nel bipartitu gallegu pol abandonu de los representantes de les conseyeríes del PSOE de la comisión de valoración del concursu eólicu.

Contador Estadistiques