Ironicen nuna campaña col trillingüísmu de Feijóo

"Orgullos@s do noso, orgullos@s do galego", ye’l llema de la campaña na que personalidaes gallegues, como Luis Tosar, critiquen irónicamente la política llingüística de Feijóo.

La campaña ta empobinada pola Coordinadora  d’Equipos de Normalización y Dinamización Llingüística (CGENDL) y quier posiciónase a favor del idioma gallegu, tres que’l presidente de la Xunta presentara un nuevu decretu del gallegu nel enseñu, rebaxando la cuota d’un 50% al 33%, quedando a partes iguales la llingua propia de Galicia, el castellán ya introduciendo l’inglés como llingua vehicular.

La iniciativa consiste nun videu, onde delles personalidaes conocíes de la sociedá gallega dicen la frase “el gallegu necesita más proteición” nes tres llingües que quier fomentar Feijóo. Ente los participantes tán Luis Tosar, que ta acabantes de ganar un premiu Goya, María Castro, actriz de la serie de Tele 5, “Sin tetas no hay paraiso” o Martín Rivas, actor de la serie d’Antena 3, “El internado”
 
Con esti anuncia, la CGENDL quier sensibilizar sobre la importancia de conservar y protexer la llingua propia, sobre too ente los escolinos, con una campaña irónica al traviés del usu de les tres llingües que quier impulsar el gobiernu autonómicu del PP nel sistema educativu gallegu.