Sarkozy defende la solución de los dos estaos con Xerusalen como capital

Sarkozy afirmó que la situación ente palestinos y israelinos ye inaceptable, más cuando tol mundu conoz los términos d'un alcuerdu qu'inclúi dos Estaos con Xerusalem como capital.

"Esi acuerdu establez amás la creación d'un Estáu palestín dientro de les fronteres de 1967, un intercambiu de territorios, un discutiniu sobro los refuxaos", indicó Sarkozy nuna rueda de prensa conxunta nel Elíseo col presidente de l'Autoridá Palestina, Mahmud Abbas. "Tol mundu sabe perfectamente lo qu'hai que facer pa llegar a un acuerdu definitivu", añadió.

Xuntu con Bernard Kouchner, el ministru d'Asuntos Esteriores, garantizó al presidente de l'Autoridá Palestina'l so "total y plenu apoyu". "Él ye'l representante lexítimu de los palestinos, ye un home de paz y nós apoyámoslu de forma determinada", declaró.
  
Sarkozy destacó que Francia "ta comprometida tanto col apoyu a la creación d'un Estáu palestín vidable, democráticu y modernu, como cola garantía de contribuyir a la seguridá d'Israel, que ye una cuestión que preocupa muncho".
  
Nun hai una prioridá que s'oponga a otra, hai dos prioridaes d'igual importancia. "Pensamos que'l fin de les negociaciones namás favorez la llegada de los estremistes y complica y desestabiliza al qu'intente construyir la paz", alvirtió.