Xuventú Asturianista acusa al Principáu de “estrozar Asturies”

Xuventú Asturianista acusa al Principáu de querer estrozar Asturies, “desaniciando la nuesa identidá y agora torgándonos poder trabayar”, señalando la tasa de desemplegu del 14,2%.

Dende Xuventú Asturianista denuncien que, como facíen “delles ideoloxíes de la II Guerra Mundial”, los partíos mayoritarios asturianos, vienen “engañándonos dende cuantayá”.

Señalen que namás hai que recordar les pallabres de Vicente Álvarez Areces nel 8 setiembre de 2008 nel conceyu Samartín del Rei Aurelio, nes que falaba que la nuesa comunidá taba meyor preparada qu’otres pa facer frente la crisis y “repetíes milenta vegaes nos sos medios nel más puru estilu goebbelsiano pa que la xente creyéralo como una verdá”.
 
Comenten que nel 2008, “la cúpula centraliega españolista del PSOE n’Asturies”, dicía qu’Asturies nun diba sufrir como otres comunidaes la crisis, poniendo como exemplu que la nuesa tasa de desemplegu que taba nel 7,84% d’entós. “Anguaño, nel 2010, ta nel 14,2%, y amás baxó entovía más la nuesa tasa d’actividá, que ye inda la peor de tol Estáu”, afiten.
 
Dende la organización entréguense que pallabra tien un Gobiernu que, “amás de desaniciar la nuesa identidá”, torganos poder trabayar, y señalen que lo únicu que quieren e estrozar Asturies.