El PP diz que "tien que buscase'l menor coste" pa la incineradora

Los alcaldes del PP d'Asturies alcordaron qu'en casu de ser necesaria la construcción d'una incineradora, tien que buscase'l procedimientu más baratu. 

Asina que s'evite'l desembolsu inmediatu del so costu, pudiendo les empreses en llibre competencia ofrecer meyores condiciones y menores costes pa los distintos conceyos, como tresmitieron nun comunicáu conxuntu que dieron a conocer güei les alcaldes del PP asturianos, tres una xunta que caltuvieron nel Ayuntamientu d'Uviéu.
  
Los primeros ediles 'populares' recordaron que la "crítica situación económica de los conceyos" torgaría aportaciones económiques pa la inversión, y "hasta los necesarios avales, porque incidiríen directamente nel endeudamientu qu'en munchos casos yá supera la llende establecida".
  
En tou casu, los conceyales del PP mostraron el so refugu a l'actitú de la FSA-PSOE, que consideraron "inaceptable por tar basada nel ordeno y mando, al treslladar instrucciones al Gobiernu rexonal y prescindiendo de la opinión de los conceyos".
  
Asina, los rexidores del PP consideren qu'antes de tomar la decisión definitiva "ye necesario separar y reciclar en mayor proporción; esplorar al máximu les posibilidaes d'usu de los residuos en cementeres y térmiques convencionales; garantizar l'ausencia d'efectos dañinos pa la salú; y conocer el costu y cómo se va a financiar".
  
"A última hora, lo que proponemos ye un pactu qu'axunte voluntaes polítiques y institucionales pa que, con toa tresparencia y rigor técnicu, adóptese la estratexa más oportuna pa la xestión de la basura que se xenera n'Asturies", señalaron los alcaldes del PP.