China llama al embaxador d'EE.UU pol alcuentru col Dalai Lama

|

El Gobiernu chinu convocó al embaxador estaounidense, Jon Huntsman, y tresmitió-y una quexa formal pol alcuentru celebráu ente Barack Obama, y el Dalai Lama.

El viceministru d'Asuntos Esteriores de China Cui Tiankai foi l'encargáu de solicitar la presencia de Huntsman, poco dempués de que'l voceru del Ministeriu espresare la so "fondera insatisfaición" pol conceyu celebráu en Washington. China considera al cabezaleru espiritual exiliáu, que defende l'autonomía del Tíbet, como un peligrosu separatista.
  
Obama -igual que los sos predecesores- negó al Dalai Lama'l simbolismu de recibilu nel Despachu Oval y l'alcuentru tuvo llugar na Sala de Mapas, unviando a Pekín la señal de que'l monxe tibetanu nun tuvo recibimientu de líder políticu.

Contador Estadistiques