Gotor va meditar si hai que facer actos como'l d'Aznar na Universidá

Vicente Gotor llamentó l'incidente na Facultá d'Económiques cuando un grupu de mozos calificó al ex presidente del Gobiernu, "llamándolu facista, asesín y terrorista".  

De la mesma manera, afirmó que tres lo asocedío, l'equipu rectoral va tener que "cavilgar y meditar si hai que facer o non esti tipu d'actos na Universidá". Amás, al respeuto de la tensión del incidente, el rector esclaró que la Policía nun pue intervenir dientro de la Universidá.
 
Gotor esplicó que l'autorización pal desarrollu de la conferencia d'Aznar solicitóla Nuevas Generaciones pel conductu oficial l'últimu xueves, al traviés de la Xerencia de la Universidá, igual que se soliciten otros eventos, polo que se dio'l preste nel so momentu. Amás, Vicente Gotor resaltó que dende hai tiempu autorícense conferencies de políticos d'ún y otru signu y hasta'l momentu nun hubiera problemes.
  
Sicasí, apuntó qu'igual esti incidente valga pa cavilgar sobre si nel futuru esti tipu d'actos se puean facer o non na Universidá, col envís d'evitar enfrentamientos.
  
Vicente Gotor entendió qu'estos incidentes "hai qu'evitalos, polo que señaló que va haber que cavilgar si ye meyor qu'esti tipu d'actos nun se faigan dientro de nenguna facultá, nin pa partíos d'ún signu nin d'otru".