Piloña celebra'l Día Internacional de la Llingua Materna

|

El Conceyu de Piloña quier celebrar el Día Internacional de la Llingua Materna cola robla d'un conveniu cola Academia de la Llingua y la esposición "Arroz, agua y maíz".

Dos actos que calificaron como "mui especiales y significativos". La esposición ta basada nel llibru "Arroz, agua y maíz", de Berta Piñán, ganador de la primer edición del premiu "María Josefa Canellada" nel 2008, convocáu pola Conseyería de Cultura.
 
El conveniu va firmase'l llunes, día 22, nun actu públicu na Casa La Cultura de L'Infiestu, "col envís de trabayar conxuntamente na promoción, espardimientu y dignificación social del usu del asturianu nel conceyu de Piloña", según esplicó la Oficina de Normalización Llingüística.
  
La muestra de la esposición "Arroz, agua y maíz" basada nel llibru homónimu que, escritu por Berta Piñán y ilustráu por Elena Fernández, ganó la primer edición del Premiu 'María Josefa Canellada' yá pue visitase, y va tar na mesma Casa la Cultura hasta'l 26 d'esti mes de febreru

Contador Estadistiques