Chaves diz que'l PSOE va ser mui respetuosu col candidatu de la FSA

Manuel Chaves aseguró güei que'l PSOE va ser "mui respetuosu" cola decisión que tomen los socialistes asturianos sobre qué candidatu va lluchar pola presidencia del Principáu.

Chaves realizó estes declaraciones, a entrugues de los periodistes, esta mañana n'Avilés, ciudá que visitó pa conocer dellos de los proyectos executaos l'añu pasáu con cargu al Plan E.

Chaves insistió en que la decisión ye responsabilidá de los socialistes asturianos y indicó que "la dirección federal del partíu va ser respetuosa enforma cola decisión que nel so momentu adopte la Federación Socialista Asturiana".
  
El vicepresidente terceru del Gobiernu Estatal manifestóse na mesma llinia que dellos dirixentes de la FSA, aludiendo a que la decisión va tomase nel momentu que los estatutos establezan y eso va ser nel segundu semestre d'esti añu 2010. Indicó qu'agora "la preocupación del PSOE, tanto a nivel rexonal como estatal, céntrase nos problemes de los ciudadanos".