Andecha denuncia’l “clientelismu y enchufismu” del “réxime” de la FSA

|

Andecha Astur considera indecentes y sangrantes los niveles “d’enchufismu, de clientelismu políticu y amiguismu a los que ta llegando’l réxime de la FSA y de los que lu caltienen”.

Señalen ente les causes de la so quexa, los nomamientos “a deu” de tol personal de la Procuradora Xeneral, denunciáu públicamente pol Conceyu por Otra Función Pública n’Asturies. Lo que pal sector d’Andecha Astur qu’anguaño usa’l nome de la organización, “espeya perbién la situación y la calidá democrática que sufrimos”.
 
De la mesma manera denuncien, “ensin entrar a valorar los sos méritos profesionales o personales", la destitución de Pepe El Ferreiro, “pa nomar a deu y ensin sacar la plaza a convocatoria pública un direutor nuevu adictu al réxime cola complicidá d’IU”.
 
Pa esti sector d’Andecha Astur, la situación “fiede” y señalen a tolos partíos parllamentarios como responsables, “toos gobiernen en mayor o menor midida, caltuvieron el sistema, creando y engordando una élite agradecida”.

Contador Estadistiques