20 años de la lliberación de Mandela

Güei hai venti años, el prisioneru númberu 466/64, Nelson Mandela, salió del centru penitenciariu Victor Versti depués de pasar ventisiete años enzarráu.

Sicasí, esos años de prisión sirvieron pa convertilu nun símbolu contra’l racismu y l’apartheid, fenómenu de segregación racial implantáu en Sudáfrica polos colonizadores holandeses.

Mandela ñació en 1918 y yera miembru de la familia real de la tribu tembu de la nación xhosa, estudió drechu en Fort Hare, onde entró nel Congresu Nacional Africanu (ANC), partíu illegalizáu pola minoría blanca que dirixía’l país. Cayó presu en 1962, siendo condenáu a cadena perpetua dos años depués.
 
En 1994, Nelson Mandela convirtióse nel primer presidente prietu de Sudáfrica, escoyíu nes primeres eleiciones con sufraxu universal, siendo presidente hasta 1999 de la mayoría negra del so país y sabiéndose ganar a la minoría blanca, que lu tenía por un terrorista. Foi Premiu Nobel de la Paz en 1994 xunto Frederik Willem de Klerk, el presidente qu’anunció la so lliberación y entamó la transición del réxime racista al democráticu.