Marruecos y el Polisariu reanudarán el diálogu el 10 de febreru

|

Marruecos y el Frente Polisariu celebrarán el 10 y 11 de febreru nos EEUU una serie de conversaciones informales pa preparar la quinta ronda del diálogu promovíu pola ONU.

Les conversaciones ente ambes partes celebraránse nuna población del condáu de Westcheser, al norte de Nueva York, y tendrán como marcu de trabayu la resolución 1871 del conseyu de Seguridá, aprobada'l pasáu mes d'abril, que da'l vistu bonu a la celebración de conversaciones informales pa preparar la quinta ronda del procesu entamáu nel 2007 pa resolver el conflictu que Marruecos y el Polisariu caltienen dende 1976, cuando acabó l'alministración colonial del Saḥara Occidental per parte d'España.
  
El secretariu xeneral de Naciones Uníes, Ban Ki Moon, "anima a les partes a qu'avancen y encamienta que se celebre un diálogu enfocáu y productivu", indicó'l voceru de la ONU Farhan Haq nun comunicáu. La resolución 1871 tamién fai un llamáu a Marruecos al Frente Polisariu a qu'algamen "una solución, duradera y d'aceptación mutua que proporcione'l derechu d'autodetermín pal pueblu de Saḥara Occidental".  
  
La ONU actúa como mediador del diálogu. Marruecos propunxo un plan pa l'autonomía de la "rexón", mientres que'l Frente Polisariu plantega la realización d'un referendu qu'incluya como opción la independencia del territoriu.
  
La Misión de Naciones Uníes pal referendu del Saḥara Occidental (Minurso) tien dende 1991 el mandatu de supervisar l'altu'l fueu algamáu ente les partes en conflictu y d'organizar el referendu pal autodetermín del pueblu saharaui.
 

Contador Estadistiques