Nuevu capítulu de “Instrumentos Tradicionales d’Asturies”

Asturies.com TV estrena güei un nuevu espaciu de la serie “Instrumentos Tradicionales d’Asturies”, nesti segundu episodiu Merce Santos muéstranos la zanfoña o gaita de rabil.

Merce Santos ye amás de profesora de la Escuela de Música Tradicional La Quintana de Xixón, componente del perconocíu grupu “La Bandina”, onde toca precisamente la zanfoña. Esti grupu, autores de temes tan conocíos como “Na Caleya”, actuó nel Festival Intercélticu de Lorient (Bretaña), na Rua Viva en Évora (Portugal), nel Festival Interceltique de Provence, (Francia), nel Cornemuses d’Europe de Bourgogne (Francia) y na Fête de la Vielle de Anost (Francia).
 
La serie ta fecha en collaboración cola Escuela de Música La Quintana y tien siete capítulos. Nel primeru, David Varela presentónos l’acordión. Depués de Merce Santos llegará’l turnu de Borja Baragaño ( DRD, Llangres), Juan José Díaz Guerrero (La Bandina), Moises Suarez y Lisardo Prieto (Felpeyu), que nos van enseñar daqué sobre gaita, flauta travesera, acordión, zanfona, tambor, guitarra y vigulín.
 
La serie ta dirixida por Javier Lueje, realizador de perconocíos videoclips como "La Saya" de Felpeyu o "Na Caleya" de La Bandina.