El PSOE lleonés quier declarar el filandón como BIC

|

El PSOE de Lleón va defender nes Cortes de Valladolid, una proposición non de llei pa declarar el filandón como Bien d’Interes Cultural con caráuter inmaterial.

Los socialistas del Ayuntamientu de Lleón quieren aprobar na Comisión de Cultura del parllamentu castellano-lleoneses esta iniciativa, y asina “promover la defensa, proteición, valorización y reconocimientu d’esta tradición oral autóctona”.
 
La diputada socialista Ángela Marqués, esclarió que la declaración de BIC ye’l primer pasu p’avalar la presentación del filandón como Patrimoniu Oral ya Inmaterial de la Humanidá pola Unesco, “yá qu’ensin la declaración de BIC nun se pue algamar nengún otru reconocimientu”.
 
Los socialistes reseñaron que’l filandón promueve los valores culturales y sociales, “sirviendo de trasmisión xeneracional, faciendo sentir la identidá propia y diversidá de la rexón lleonesa”. Marqués señaló qu’espera que’l PP nun busque escuses énte una decisión “perimportante pa Lleón y les sos tradiciones”.
 
El filandón ye una xuntanza que se fai peles nueches al finar la cena, na que se cunten en voz alta cuentos al empar que se trabaya en dalguna llabor manual (xeneralmente testil). Esta xuntanza avezaba ser alredor del llar. El filandón sigue vivo en dalgunes zones de Galicia, de Lleón y nel nuesu país.

Contador Estadistiques