IU acusa al xerente de Coxersa de "fundamentalista" de la incineración

Iglesias llamentó que'l xerente de Conxersa decidiere tornar nel "fundamentalista" de la incineración  al considerar imprescindible una "macroincineradora" de 450.000 tonelaes.

El Coordinador Xeneral d'IU dixo que Santiago Fernández debería ser "más moderáu" y "prudente" nel exerciciu de les sos funciones. "Ye'l xerente d'un Consorciu Públicu, non el xerente d'una parte", señaló. Nesti sen, l'oxetivu d'aumentu del reciclaxe n'Asturies que'l xerente anunció la selmana pasada "roza'l ridículu" pa Iglesias. "Supón que n'Asturies se recicle un 20% nel 2016 y olvida qu'en Cataluña, l'añu pasáu, yá taben nel 30", dixo.
  
D'otru llau, Iglesias tamién refugó la propuesta qu'anunció'l PP de quemar basoria nes centrales térmiques y cementeres. Nesti sen señaló que l'alcalde d'Uviéu, Gabino de Lorenzo (PP), "pretende que la incineración de residuos pase a manes privaes, lo que supón poner sobre la mesa la privatizacion de la incineración, sin nengún control públicu".